Arrats Elkarteak Hedatzenen Zuzendaritza Batzordeko kide gisa borondatezko baja iragarri ondoren, IRSE-IBIk ordezkatzea onartu da: erabaki hori Hedatzenen hurrengo bileran berretsi beharko da. Arratsi agur esaten diogu eta azken urte hauetan egindako lana eskertzen diegu: IRSE-EBIri ongietorria ematen diogu Zuzendaritza Batzordera.
Barneko
GAO-N ARGITARATZEA III. GESH-AREN ALDAKETA
Joan den azaroaren 19an argitaratu zen GAOn Gipuzkoako Esku Hartze Sozialaren III. Hitzarmenaren bertsio berria, zeinak barne hartzen duen 40. artikuluaren aldaketak, amatasun- eta aitatasun-baimenei buruzkoa. Hori Hitzarmena sinatu zuten aldeek onetsi zuten.
Edukia esteka honetan kontsulta daiteke.
ADMINISTRAZIO PUBLIKOEKIKO ERAGIN-TALDEAREN LEHEN BILERA
Hedatzen erakundearen azken batzarrean sortutako administrazio publikoekiko eragin-taldearen lehen bilera azaroaren 4an izan zen, eta adostu zen egoeraren diagnostikoaren lehen fasea egitea, erakundeek kudeatutako programa eta zerbitzuen mapa eginda. Helburua da zerbitzuak zehaztu eta finantzatzeko arazo nagusiak identifikatzea.
III. GEHSH-ren 40. artikulua berriro negoziatzea
III. GEHSH sinatu duten sindikatuek proposatuta, amatasun/aitatasun baimenei buruzko 40. artikulua berriro negoziatzea erabaki da, II. Hitzarmenean jasotzen zen legez onartutako hamasei baimenen aste gehigarria mantentzeko.
Helburu horrekin, Negoziazio Mahaia berriro eratu da eta artikuluaren idazketa berrian aurrera egin du urriaren 28an izandako bilera batean.
Laneko batzorden sorrera
Halaber, Batzordearen ekitaldian administrazio publikoekiko eraginaren batzordea sortu eta osatu zen, baita III. AESHaren esparruan sortutako hiru batzordeak ere: hizkuntza‑normalizaziorako batzordea, urruneko lanaren batzordea eta sailkapen profesionalaren batzordea, zeinak aurki hasiko baitiren lanean.
Hedatzen zuzendaritza-batzordea berritzea
Irailaren 27an egin zen Hedatzenen ohiko batzar orokorra, non Zuzendaritza Batzordearen osaera berria onetsi zen; horren bitartez, presidente berria aukeratu zen datozen hiru urteetarako. Hala, Ruth Encinasek (AGIFES) José Emilio Lafuente ordezkatuko du, zeinak kargua bete duen azken 6 urteetan.
Batzorde berrian HZ Ekimenak erakundea sartu da, eta gainerako kideek bertan jarraitzen dute: Agustín Tranche (Sarea), Iñigo Ruíz (Nuevo Futuro), Amaia Lasheras (Arrats).
José Emilio Lafuenteri eskerrak eman nahi dizkiogu urte hauetan presidente gisa egindako lanagatik, eta ongietorria egiten diegu kide berriei erronka berriaren aurrean!
III. GEHSHaren aplikazioari buruzko zalantzak aigitzeko informazio-bilera
Uztailaren 23an III. GEHSHa GAOn argitaratu zenetik ondore juridikoak hasi direnez, Hedatzeneko erakunde guztientzat informazio-bilera antolatu zen, ordainsarien kontzeptuan atzerapenak ordaintzearen inguruko zalantzak argitzeko.
Gipuzkoako Esku Hartze Sozialeko III. Hitzarmenaren aurreakordioa egiteko aukera
Negoziazio Mahaiaren apirilaren 14ko bileran posizioak gerturatzea lortu ondoren, datorren apirilaren 30erako hitzordua finkatu da Gipuzkoako Esku Hartze Sozialaren III. Hitzarmenaren aurreakordioa egiteko aukera aztertzeko.
Gipuzkoako esku-hartze sozialari buruzko III. hitzarmenaren negoziazio-mahaiaren bilkura
Martxoaren 15ean, Esku-hartze Sozialari buruzko III. Hitzarmenaren negoziazio-mahaia bildu zen, eta, bilkura horretan, hainbat hurbiltze-proposamen egin zituzten Hedatzenek eta sindikatuek, akordioa ahalbidetze aldera. Bi aldeek aztertu eta baloratu behar dituzte proposamenok.
Esku Hartze Sozialeko III. Hitzarmeneko negoziazio-mahaiak
Joan den otsailaren 9an ekin zien berriro Esku Hartze Sozialeko III. Hitzarmeneko negoziazio-mahaiak bilerei, sindikatuek abenduko bileran proposatutako akordio-aukerei buruz hausnartzeko hartutako tartea eta gero.
Aurreikusita zegoen hausnarketa osteko lehen bilera hori erabakigarria izango zela akordioaren aldeko jarrera definitzeko, baina ez dute emaitzarik lortu, eta, ondorioz, aurrera egin behar da aurreikusitako bilera-egutegiarekin. Martxotik aurrera ekingo zaie berriro bilerei.